Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
13 Avqust 2020


Maska taxmamağın daha bir fəsadı - Psixoloq

Ana səhifə Toplum
12 Punto 14 Punto 16 Punto 18 Punto

Pandemiya ilə əlaqədar ölkəmizdə karantin rejimi elan edilsə də, bəzi vətəndaşlar təhlükənin fərqinə varmadıqları üçün qaydaları kobud şəkildə pozurlar. Ekspertlər bildirirlər ki, bu insanların karantin qaydalarına əməl etməməsində psixoloji faktorlar da rol oynayır.

Məsələ ilə bağlı Axar.az-a açıqlama verən psixoloq Elnur Rüstəmov bildirib ki, insanların karantin rejiminin tələblərinə riayət etməsi də, etməməsi də tamamilə psixolojidir.

“Mövcud karantin rejimi və onun tələblərinə demək olmaz ki, hamı riayət etmir. Karantin rejiminə ifrat dərəcədə riayət edən insanların sayı az deyil. Belə insanlar sosial məsafə gözləyir, gigiyena qaydalarına hətta normadan artıq riayət edirlər. Ünsiyyətdən belə qaçırlar. Yəni yoluxma ehtimalı belə insanlarda özünü qoruma instinkti ilə birlikdə kiçik paranoya kimi müşahidə olunur. Bəzi insanlar isə tam əks davranış sərgiləyir. Yəni bu insanlar mövcud karantin rejiminin tələblərini pozur, maska taxmır, şəxsi gigiyena qaydalarına riayət etmir, yaxın təmasdan çəkinmir. Bir sözlə, həm özü, həm də başqaları üçün potensial bir təhlükə mənbəyinə çevrilir”, - o bildirib.

Psixoloq qeyd edib ki, bir insanın belə tibbi maskadan, əlcəkdən istifadə etməməsi psixoloji təsir yaradır:

“Günün istisində maska taxan insanlar taxmayanları görür. Bu, mexaniki olaraq o insanlarda qıcıq oyadır ki, axı niyə onlar taxmır, mən taxıram. Bunlar insanın daxilində gərginlik, narahatlıq, özünə inamsızlıq kimi hallar yaradır. Maraqlıdır ki, adətən azlıq çoxluğa tabe olduğu halda bu situasiyada çoxluq azlığı təkrarlamağa meyil edir”.

E.Rüstəmov vurğulayıb ki, digər bir nüans vətəndaşların şüuraltına hopan davranış normalarıdır:

“Bizim xalq deyib-gülməyi, yaxın təması sevir. İllərdir görüşərkən sarılmaq, öpüşmək və s. davranışları tərgidə bilmirik. Bu gün də bəziləri maska ilə görüşür. Bu və bu kimi davranışlara adaptasiya olmaq problemi yaşayırıq. İnsanlar ilk növbədə özlərində bu davranışları dəyişməyə səy göstərməli, daha sonra başqa insanları da bu yöndə maarifləndirməlidirlər. Unutmamalıyıq ki, kütlə psixologiyası önəmlidir. Kütlə isə fərdlərin toplusudur. Yəni fərdi olaraq bu qaydalara riayət etsək, kütləvi olaraq da tez bir zamanda riayət edə bilərik”.

Tarix
2020.07.04 / 09:00
Müəllif
Turan Rzayev
Şərhlər
Digər xəbərlər

DTX səfir Eldar Həsənovu həbs etdi - Şok

Sülhməramlılarımızın bir qrupu vətənə qayıtdı

Ölkəmizdə koronaya yoluxanların sayı... - Son rəqəm

Qaxda dağılan tariximiz: Nazirlik araşdırmaya başladı

İlham Əliyev qanun imzaladı

İqtisadiyyat Nazirliyində yeni kadr təyinatları

Siyəzəndə yas mərasimi keçirənlər cərimələndi

Bakı polisi reyd keçirdi - Foto

“Araz” və “Rahat” market cərimələndi - Foto

Hadi Rəcəblinin qardaşına yeni vəzifə verildi

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla