“Qarabağ”ın oyunçusu Qurban Qurbanov Çempionlar Liqasının III turunda “Atletik”lə keçiriləcək oyundan danışıb.

Axar.az xəbər verir ki, təcrübəli mütəxəssis İspaniya təmsilçisinin taktiki baxımdan güclü olduğunu bildirib.

“İllərdir nə etmişiksə, onu etməyə çalışacağıq. Rəqib taktiki baxımdan güclüdür və buna uyğun oynayacağıq. Futbolçularımızın diqqətli olması vacibdir, matçda nə qədər imkan verəcəklərini isə görəcəyik. Hələlik rəqibi tam təhlil etməmişəm, amma maraqlanmışam. Bu gündən etibarən bütün detallara ayrı-ayrılıqda vaxt ayıracağıq”, - Q.Qurbanov vurğulayıb.

Qeyd edək ki, “Qarabağ” oktyabrın 22-də Bilbaoda “Atletik”in qonağı olacaq.