Almatıda “Almatı - Türk dünyasının gənclər paytaxtı - 2025” ilinin rəsmi bağlanış mərasimi keçirilib.

Kult.az xəbər verir ki, bu barədə Qazaxıstanın Mədəniyyət və İnformasiya Nazirliyi məlumat yayıb.

Tədbirdə Qazaxıstan, Azərbaycan, Qırğızıstan, Türkiyə, Özbəkistan və Türkmənistan nümayəndələri, həmçinin Türk Dövlətləri Təşkilatının Baş katibi Kubanıçbek Ömuralıyev iştirak edib.

Mərasimin əsas hadisəsi “Türk dünyasının gənclər paytaxtı” statusunun Almatıdan Özbəkistanın Xivə şəhərinə rəsmi şəkildə təhvil verilməsi olub.

Rəmzi açarın təqdim olunması gənclər təşəbbüslərinin davamlılığını və Türk Dövlətləri Təşkilatına üzv ölkələr arasında əməkdaşlığın daha da inkişaf etdirilməsini ifadə edib.