İranın Qərbi Azərbaycan əyalətində ümumilikdə 487 nəfər koronavirusdan dünyasını dəyişib.

Axar.az xəbər verir ki, bu barədə Qərbi Azərbaycanın səhiyyə xidmətinin rəhbəri və Urmiya Tibb Universitetinin rektoru Cavad Ağazadə məlumat yayıb.

Onun sözlərinə görə, son sutkada 141 nəfər koronavirus şübhəsi ilə xəstəxanalara yerləşdirilib. Bu isə İran əyalətləri arasında ən yüksək rəqəm olub.

“Hazırda infeksiyaya yoluxanlardan 168 nəfər reanimasiya şöbəsində müalicə alır. Onlardan 52-nin vəziyyəti ağırdır və süni tənəffüs aparatına qoşulub”, - Ağazadə qeyd edib.