Bu gün Azxeber.com informasiya portalının 5 yaşı tamam olur.

2010-cu il aprel ayının 13-də gənc jurnalistlər Əfsələddin Ağalarov və Hacıbəy Heydərlinin təşəbbüsü ilə yaradılan portalda hazırda hər gün müxtəlif sahələri əhatə edən yüzə yaxın xəbər, müsahibə, reportaj, köşə yazısı yayımlanır.

Saytın xəbərlərinə mütəmadi olaraq ölkənin ciddi mətbu orqanları tərəfindən istinad olunur.

Daim tərəfsizlik və dövlətçilik prinsiplərindən çıxış edən Azxeber.com həm də intellektual gəncliyin izlədiyi azsaylı informasiya portallarından biri kimi tanınır. Beynəlxalq sayğac sistemi olan "Google Analytics"ə görə, portala son 1 ayda 2 milyon ziyarətçi daxil olub.

Azxeber.com eyni zamanda sosial şəbəkələrdə ən çox izlənilən xəbər portallarındandır. Belə ki, portalın rəsmi Feybuk səhifəsini 300 minə yaxın insan bəyənib. Eyni zamanda portalın Tvitter, İnstaqram, Yutub və Myvideo sosial şəbəkələrində fəaliyyət göstərən rəsmi hesabı mövcuddur.