Bakının Masazır qəsəbəsi üç gündür qazsız qalıb.

Axar.az-a qəsəbədən verilən xəbərə görə, təbii qaz tam dayandırılıb. Havaların soyuq keçdiyi günlərdə qazın kəsilməsi qəsəbə əhli üçün məşəqqətə çevrilib.

"Azəriqaz" QSC sözçüsü İbrahim Kərbəlayev azadxeber.az-a deyib ki, təbii qazın verilişini əhalinin təhlükəsizliyini qorumaq məqsədilə dayandırıblar.

"Masazır qəsəbəsində yerin altından təbii qaz sızır. Mütəxəssislərimiz araşdırmalar aparıb. Yerin altından çıxan qazın mənşəyi məlum deyil. Çünki bizim qaz xətləri yerin üstü ilə gedir. Hər hansı partlayış ehtimalının qarşısını almaq üçün əhaliyə verilən təbii qaz dayandırılıb. İndi də hadisə yerində mütəxəssislər işləyir. Problem həll olunandan sonra təbii qazın verilişi bərpa olunacaq".