Milli Məclisin Mədəniyyət komitəsinin sədri Qənirə Paşayeva Abşeron rayon, Mehdiabad qəsəbə sakini, şəhid mayor Ramid Nəriman oğlu Hacıyevin (11.02.1987, Cəbrayıl – 16.10.2020, Tərtər) həyat yoldaşı Sevinc Hacıyeva ilə görüşüb.

Axar.az xəbər verir ki, Qənirə Paşayeva şəhid mayorun xanımını işğalçı düşmən üzərində tarixi qələbə münasibətilə təbrik edib, ürək sözlərini bölüşüb.

“Əziz Sevinc xanım, Siz, Vətən uğrunda mərdliklə döyüşərək öz canını fəda etmiş hərbçimizin xanımısız. İşğalçı düşmən üzərində qələbə münasibətilə təbriki ən çox Siz şəhid alilərinin üzvləri haqq edirsiz. Biz Sizə çox minnətdarıq! Qəhrəman zabitimizin ruhu qarşısında dərin ehtiramla baş əyirik!” – millət vəkili deyib.

Q.Paşayeva “Qarabağ” ordenli şəhid mayorun xanımına tarixi zəfər münasibətilə Milli Məclisin Mədəniyyət Komitəsi adından məktub, üzərinə “Şuşa Azərbaycandır!” yazılmış qol saatı təqdim edib.