“Azərkosmos” və Qırğızıstanın Ayan TV və Super TV kanalları arasında kommersiya müqaviləsi imzalanıb.

“Azərkosmos”dan Axar.az-a verilən məlumata görə, müqaviləyə əsasən, bu gündən etibarən Ayan TV və Super TV kanalları Mərkəzi Asiya ölkələrində "Azərspeys-1" (Azerspace-1) peyki vasitəsilə yayımlanır.

Sözügedən kanallarda rus və qırğız dillərində Qırğızıstanın siyasi, sosial, iqtisadi və mədəniyyət proqramları nümayiş olunur.

Ayan TV və Super TV kanallarının yayım tezliyi: 11104/V/13000

Həmçinin Türkiyənin Avropada yayımlanan və çoxsaylı izləyiciləri olan Avro 90 TV kanalı “Azərspeys-1" peykinin Avropa şüası üzərindən yayıma başlayıb. Avro 90 TV kanalında türk və ingilis dillərində Avropada, o cümlədən dünyada baş verən yeniliklər, sağlamlıq, əyləncə və siyasi mövzular barədə proqramlar yayımlanır.