17:29

Sosial şəbəkələrdə paytaxtın Səbail rayonunda yerləşən otellərdən birində xüsusi karantin rejiminin pozulması ilə bağlı yayılan görüntülər araşdırılıb.

DİN Mətbuat Xidmətindən Axar.az-ın sorğusuna cavab olaraq bildirilib ki, tədbirin keçirildiyi gün polis əməkdaşları həmin ünvana yaxınlaşaraq orada keçirilən tədbirin konfrans xarakterli olması və sosial məsafə ilə bağlı tələblərə əməl edilməsi müəyyən edilib. Konfrans pandemiya şəraitində qanunla nəzərdə tutulan normalar çərçivəsində təşkil olunub, yalnız səhnədə çıxış edən şəxslər tibbi maskadan istifadə etməyiblər.

Qeyd edək ki, “Park İnn” otelinin “Dan ulduzu” zalında mükafatlandırma mərasimi keçirildiyi, mərasimdə 50 nəfərdən artıq şəxs iştirak etdiyi və karantin qaydalarının pozulduğu haqda məlumat yayılmışdı.

Nazirlər Kabineti yanında Operativ Qərargahın qərarına əsasən, xüsusi karantin rejimində ölkə ərazisində insanların 10 nəfərdən artıq qruplarda cəmləşməsi qadağandır.