Yuxarı

Ağsu camaatı qorxu içində - Şikayət

Ana səhifə Toplum
12 Punto 14 Punto 16 Punto 18 Punto

Ağsu rayonunda 2 min hektar taxıl sahəsi biçilmədiyi üçün məhv olma təhlükəsi ilə üz-üzədir. Xüsusilə ötən gün Şamaxının Göylər kəndində baş verən və 5 hektar zəminin yanması ilə nəticələnən yanğından sonra aqsulular daha ciddi narahatlıq keçirirlər.

Bu barədə Axar.az-a rayonun Bico kənd sakinləri məlumat verərək bildirib ki, min bir əziyyətlə əkdikləri sahəni biçə bilmirlər. Səbəb isə rayonda taxıl biçimini həyata keçirəcək bir dənə də texniki avadanlığın, kombaynın olmamasıdır.

Sakinlər bildirib ki, taxıllar artıq sünbüllərini tökür, üstəli, tam yetişmiş sahələrin yanğın riski də böyükdür. Yoldan keçənlərin adi ehtiyatsızlığı 2 min hektarlıq sahənin məhvinə səbəb ola bilər. Sakinlərin sözlərinə görə, bu il bolluq olub, hektardan 40 sentnerəcən məhsul götürülməsi ehtimalı çox böyükdür. Allahın qıydığı bu nemət biçimi gecikərsə, kəndlinin illik zəhməti və azuqəsi məhv ola bilər.

Kənd Təsərrüfatı Nazirliyinin mətbuat xidmətinin rəhbəri Murtuzəli Hacıyev Axar.az-a açıqlamasında isə bölgələrdə texniki avadanlıq, kombaynla bağlı problemin qalmadığını dedi:

"Bu yaxınlarda ölkəyə yeni kombaynlar gətirilib və bölgələrə paylanılıb. Ola bilər ki, sözügedən rayonda kombaynlarla başqa ərazilərin biçimi həyata keçirilir. Bu səbəbdən bir qədər gecikmə ola bilər".

Mətbuat katibi qeyd edib ki, bununla bağlı nazirliyin Çağrı Mərkəzinə hələlik müraciət edən də olmayıb:

"Əgər kənd sakinlərinin belə bir problemi varsa və ya onlara kombaynların verilməsi gecikdirilirsə, bununla əlaqədar nazirliyin 16-52 Çağrı Mərkəzinə müraciət etsinlər".

Tarix
2015.06.11 / 15:53
Müəllif
Nigar İxtiyarqızı
Şərhlər
Digər xəbərlər

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla