20:07

İyun ayının 16-da Dövlət Sərhəd Xidmətinin (DSX) Sərhəd Qoşunlarının “Qubadlı” əlahiddə sərhəd diviziyasının xidməti ərazisində Laçın rayonunun Cicimli kəndi yaxınlığında MAZ markalı yük avtomobili ilə qəzaya düşərək dünyasını dəyişən hərbi qulluqçumuz baş leytenant Elməddin Süleyman oğlu Nəsibov ilə vida mərasimi keçirilir.

Axar.az-ın verdiyi məlumata görə, vida mərasimi şəhidimizin dünyaya göz açdığı Tovuz rayonunda keçirilir.

Vida mərasimində şəhidimizin döyüş yoldaşları, Dövlət Sərhəd Xidmətinin rəsmiləri, rayon ictimaiyyəti iştirak edir.

Məlumat üçün bildirək ki, 32 yaşlı Elməddin Nəsibov 3-cü dərəcəli "Vətənə xidmətə görə" ordeni və “Qubadlı və Cəbrayılın azad olunmasına görə” medalları ilə təltif olunmuşdu. Şəhidimiz ailəli idi.

***

Dövlət Sərhəd Xidmətinin zabiti Elməddin Nəsibov dəfn olunub.

Şəhid Tovuz şəhər qəbiristanlığında torpağa tapşırılıb.