Axar.az
Yuxarı

Axar.Az Logo

AQTA toylarda bu monitorinqləri aparacaq - Detallar

Ana səhifə Toplum
12 Punto 14 Punto 16 Punto 18 Punto

Şənlik mərasimlərində aparılacaq monitorinq tədbirləri çərçivəsində Nazirlər Kabineti yanında Operativ Qərargahın müəyyən etdiyi qaydalara riayət olunmasına nəzarət ediləcək.

Axar.az xəbər verir ki bunu Report-a açıqlamasında Azərbaycan Qida Təhlükəsizliyi Agentliyinin (AQTA) şöbə müdiri Əkbər Əliyev bildirib.

O qeyd edib ki, monitorinq zaman “İctimai iaşə müəssisələrində koronavirus infeksiyasının (COVID-19) profilaktikasına dair metodiki göstərişlər”ə riayət olunması məsələsi yerindəcə qiymətləndiriləcək:

“Personalın COVID-19 pasportuna malik olub-olmaması, qoruyucu maska taxıb-taxmamaları və s. tələblər əməkdaşlarımız tərəfindən monitorinq ediləcək. Şənlik mərasimlərinin keçirilməsinə məsuliyyəti həm məclis sahibi, həm də ictimai iaşə müəssisəsinin rəhbəri daşıyırlar”.

Şöbə müdiri deyib ki, yoluxmaların azalmasına səbəb əks-epidemik tədbirlər və vaksinasiya prosesidir:

“Bunun nəticəsində müəyyən yumşalmalara gedilib. Bütün bunları nəzərə alaraq vətəndaşlara və sahibkarlara müraciət edirik ki, qoyulan tələblərə ciddi əməl etsinlər. Monitorinqlər zamanı aşkar olunacaq nöqsanlarla bağlı inzibati tədbirlər həyata keçiriləcək. Qoyulacaq tələbləri pozan sahibkarlıq subyektlərinə qarşı sərt tədbirlər görüləcək”.

Qeyd edək ki, Nazirlər Kabineti iyulun 1-dən Azərbaycanda şənlik mərasimlərinin (toy, nişan, ad günləri və s.) keçirilməsinə icazə verilməsi haqqında qərar qəbul edib. 50 nəfərdən 150 nəfərə qədər şəxslərin iştirakı ilə təşkil olunan şənlik mərasimlərində koronavirus infeksiyasının idarə olunması ilə bağlı nəzarəti təmin etmək məqsədilə müntəzəm yoxlamalar aparılacaq. Monitorinq qrupları təşkil edəcək qurumlardan biri də Azərbaycan Qida Təhlükəsizliyi Agentliyidir.

50 nəfərə qədər şəxslərin iştirakı ilə təşkil olunan şənlik mərasimlərində iştirakçılardan COVID-19 pasportu tələb olunmayacaq. 150 nəfərdən artıq iştirakçısı olan şənlik mərasimlərinin keçirilməsi növbəti yumşalma barədə qərar qəbul olunanadək qadağan edilir. Keçiriləcək tədbirin tarixinə ən azı 5 gün qalmış tədbirin keçirilmə tarixi, başlama və bitmə vaxtı (saat 0:00-dan gec olmamaq şərtilə), qonaq sayı barədə məlumatlar icaze.e-gov.az portalına daxil edilməlidir. Portal üzərindən qeydiyyata salınmayan və barəsində müvafiq məlumat daxil edilməyən şənlik mərasimlərinin keçirilməsi qadağandır.

İnzibati Xətalar Məcəlləsinə əsasən epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər 200 manatdan 400 manatadək məbləğdə, vəzifəli şəxslər 4000 manatdan 5000 manatadək məbləğdə cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, hüquqi şəxslər beş min manatdan on bir min manatadək məbləğdə cərimə edilir. Hüquqi şəxslər tərəfindən pozuntu halı təkrar baş verdiyi təqdirdə şənlik mərasimi keçirilən müəssisənin fəaliyyətinin dayandırılmasına dair qanunvericiliklə müəyyən edilmiş hallarda qərar qəbul edilə bilər.

Tarix
2021.06.22 / 15:58
Müəllif
Axar.az
Şərhlər
Digər xəbərlər

Narkotik satışı ilə məşğul olan şəbəkə ifşa olundu

Ordumuzun bu gün həlak olan əsgərinin - Fotosu

Dövlətin kirayə verdiyi evlərin sayı açıqlandı

Bu gün neçə nəfər koronaya yoluxub?

Bu gün Bakıda 546 küçə dezinfeksiya edildi

Müzəffər Sərkərdə, yenilməz Ordu - Foto

Müəllimlərin təkrar imtahanların vaxtı açıqlandı

20 QHT birgə aksiyalar keçirdi - Foto

Əsgərimiz həlak oldu - Təcili

Masallı polisi əməliyyat keçirdi: saxlanılan var

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla