Ana səhifə Toplum |
Bağ evlərinin qiyməti 2 min manatdan 11 min manatadək qalxıb. Qiymət artımı xüsusilə VİP evlərdə qeydə alınıb. Ən bahalı kirayə evlər Mərdəkan, Şüvəlan, Şağan və Buzovnada yerləşir. Sözügedən ərazilərdə ən yüksək kirayə bağ evinin qiyməti 11 min manatdır.
Axar.az xəbər verir ki, əmlak eksperti Nüsrət İbrahimov bu sözləri yay aylarında bağ evlərinin qiymət artımı barədə danışarkən deyib.
“Bahalı bağ evlərinin ümumi orta qiyməti, təxminən, 4800 manat təşkil edir. Lakin 2400 manata da bağ evləri tapmaq mümkündür. Ən ucuz kirayə bağ evinin qiyməti isə 520 manat civarındadır. Qiymətlər ərazidən və bağ evinin şəraitindən asılı olaraq dəyişir”, - ekspert bildirib.
Qeyd edək ki, ekspertlərin fikrinə görə, turist axınının ölkəmizə hələ tam bərpa olunmaması bağ evlərinin boş qalmasına səbəb olur. Qiymət artımının avqustun sonu, sentyabrın əvvəlinə qədər davam edəcəyi proqnozlaşdırılır.
Tarix
2021.07.13 / 11:53
|
Müəllif
Aytəkin Qardaşova
|