Azərbaycan Respublikasının Prezidenti cənab İlham Əliyevin göstərişinə əsasən Fövqəladə Hallar Nazirliyinin və Dövləti Yanğın Mühafizə Xidmətinin 100 əməkdaşı Türkiyənin Dalaman vilayətinə göndərilir.

Axar.az xəbər verir ki, bu sözləri fövqəladə hallar nazirinin müavini, general-leytenant Etibar Mirzəyev Heydər Əliyev adına Hava Limanında jurnalistlərə açıqlamasında bildirib.

Etibar Mirzəyevin sözlərinə görə, bu, Azərbaycanın göndərdiyi birinci yardım qrupudur:

"2 helikopter uçuşa hazırdır. Əgər yenidən tapşırıq və müraciət olarsa, yanğın maşınları və canlı qüvvə yanğınların söndürülməsinə hazırdır. Yardımlar quru yolla və ya helikopter vasitəsilə göndəriləcək. 500-dən artıq canlı qüvvə var. Hamısı təcrübəli yanğınsöndürənlərdir. Göndərilən hərbi vasitələr yanğınların söndürülməsinə hesablanıb".