Dini Qurumlarla İş üzrə Dövlət Komitəsinin Aparat rəhbəri, 1955-ci il təvəllüdlü Alim Süleymanov bu gün xəstəxanada dünyasını dəyişib.

Axar.az xəbər verir ki, bu barədə Bakipost.az-a komitənin İctimaiyyətlə əlaqələr şöbəsinin müdiri Yaqut Əliyeva məlumat verib.

O bildirib k, A.Süleymanov bir müddət idi ki, koronavirusa yoluxmuşdu:

“Buna görə də xəstəxanada müalicə alırdı. Bu gün isə orada vəfat edib”.

Y.Əliyeva, həmçinin qeyd edib ki, mərhum Aparat rəhbəri hər iki doza peyvənd qəbul etmişdi.

Qeyd edək ki, Dövlət Komitəsinin sədri Mübariz Qurbanlının əmri ilə komitənin aparat rəhbəri vəzifəsinin icrası müvəqqəti olaraq Amil Cavadova həvalə edilib.