Təhsil Nazirliyi "Elektron təhsil" respublika müsabiqəsinə start verib.

Nazirlikdən Axar.az-a verilən məlumata görə, informasiya texnologiyalarının tətbiqinə həsr olunmuş müsabiqə Müəllim və Şagird istiqamətləri üzrə 6 nominasiyada təşkil olunur.

Məqsəd tədris prosesində informasiya texnologiyalarından fəal istifadə edən müəllimləri həvəsləndirməkdir. Həmçinin, belə müəllimləri tanıtmaq, internetdən tədrisdə istifadə etməkdir.

Müsabiqədə pedaqoji heyət, metodist mütəxəssisləri və şagirdlər iştirak edə bilər.

Müsabiqədə iştirak etmək istəyənlər www.musabiqe.edu.az səhifəsində qeydiyyatdan keçməli və ərizəni doldurmalıdırlar. Qaliblərə noutbuk, planşet, printer və digər xüsusi mükafatlar təqdim olunacaq.