Axar.az
Yuxarı

Axar.Az Logo

Məktəblini evində döyən başçı müavini danışdı

Ana səhifə Toplum
12 Punto 14 Punto 16 Punto 18 Punto

Xəbər verdiyimiz kimi, Lənkəran İcra Hakimiyyəti başçısının müavini Rəsilə Əliyeva V.Əliyev adına Lənkəran 4 saylı orta məktəbin direktoru Yeganə Əsgərovanın gözü qarşısında 9-cu sinif şagirdini evində vəhşicəsinə döyüb.

Döyülən məktəblinin anası Ləman Camalovanın sözlərinə görə, Rəsilə Əliyeva qızı Aliyəni öz evinə çağıraraq telefonla başına, əl və təpiklə isə üzünə, bədəninə ağır xəsarətlər yetirib. Onu və anasını əxlaqsız, pozgun kimi qələmə verib. Yeniyetmə qız ciddi travma alıb.

Axar.az xəbər verir ki, məsələ ilə bağlı Lənkəran rayon icra başçısının müavini, İctimai-siyasi və humanitar məsələlər şöbəsinin müdiri Rəsilə Əliyeva Bizim.Media-ya danışıb.

O, Aliyə Camalovanın evində döyülməsini təkzib edib:

“Vəzifədəyəm deyə yapışılası adam mənəm? Axı mənim də səhhətim və evimdə ağır əməliyyatdan çıxmış xəstəm var. Aliyənin anası çox şey iddia edə bilər. Yalan məlumatlardır. Onun anası haçandan ortaya çıxdı? O, heç bilmir ki, qızı kimlə yaşayır və onu kim saxlayır. Onun qızı əxlaqsızdır və biabırçı videoları var. Şagirdlərin adından ona-buna videolar atıb. Belə qızın məktəbdə qalıb oxuması düzgün deyil. Mənim qızımla da rəfiqə deyil və ola bilməz. O, hansı ailədə böyüyüb, bilinmir. Aliyənin xalası kimdi, onu əvvəl kim saxlayıb, gedin onları araşdırın”.

Rasilə Əliyeva adı çəkilən döyülmə faktına görə Lənkəran Rayon Polis Şöbəsinə çağırılmadığını da əlavə edib:

“Qızın attestatı mənim evimdə nə gəzir? Mən Təhsil Naziliyinə və ya rayon təhsil şöbəsinə müdaxilə edə bilərəm? Evimdə attestat verilir? Bu qədər yalan olmaz axı... Mən xalxın uşağını niyə döyürəm ki? Ya atası, ya da nənəsi videolarını görüb onu döyüb. Sadəcə olaraq, o videoları mən əldə etmişəm və polis bölməsinə də təqdim etmişəm. Onlar araşdırır. Anası çox şeyi iddia edə bilər. O zaman mən də bədənimin hansısa nahiyəsini göyərdib, fotosunu sizə atım, inanarsız? Bu məsələnin mənə aidiyyəti yoxdur. Niyə polis bölməsinə çağırılmalıyam ki?” - deyə Rasilə Əliyeva qeyd edib.

Qeyd edək ki, məsələ Daxili İşlər Nazirliyi tərəfindən nəzarətə götürülüb. Müvafiq ekspertiza təyin edilib və araşdırma aparılır.

Tarix
2022.07.15 / 16:50
Müəllif
Axar.az
Şərhlər
Digər xəbərlər

Daha bir avtobus zolağının tətbiqinə başlanıldı

Vasif Talıbov istefa ərizəsi yazdı

Nazir “Aztelekom”un baş direktorunu işdən çıxardı

Bu rayonumuza 13 sm qar yağdı

Xankəndidə sabaha olan hava proqnozu

Azərbaycanda bu şəxslərin aktivləri dondurulacaq

Misir məhkəmədə: Bizi satırsız, hanı səfirliyimiz? - Video

Sabah hava necə olacaq?

Ov edərkən həmyerlisini güllələdi

İTV-nin çəkiliş qrupu Laçın yolunda - Video

KULT
<>
Xəbər xətti
Axar.az'da reklam Bağla
Reklam
Bize yazin Bağla