Təmir olunmadığı üçün yolun hərəkət hissəsi sıradan çıxmış Nizami rayonu Mikayıl Əliyev küçəsi təmir edilir.

Azəryolsevis ASC-dən Axar.az-a verilən məlumata görə, Mikayıl Əliyev küçəsinin təmir olunan hissəsi Mehdi Abbasov küçəsi ilə Rüstəm Rüstəmov küçəsi arasında yerləşir. Təmir-tikinti işlərinin aparıldığı hissənin uzunluğu 1375 metr, eni isə 26,5 metrdir. Burda təmir işləri kommunikasiya xətlərinin çəkilişi ilə məşğul olan qurumlarla birgə aparılır.

Ümumilikdə küçənin 36.500 kvadrat metr sahəsinin asfaltlanması nəzərdə tutulub. Buna paralel olaraq köhnə səki daşlarının yenisi ilə əvəzlənməsi, zəruri olan yerlərə səki daşlarının düzülməsi prosesi də həyata keçirilir. Küçə boyu 1700 paqon metr yeni səki daşının düzülməsi planlaşdırılır.

Mikayıl Əliyev küçəsində təmir-tikinti işləri tərtib olunmuş qrafikə əsasən şəxsən nəqliyyat naziri və Azəryolservis ASC rəhbərliyinin nəzarəti altında aparılır. Təmir işləri ilə əlaqədar yaranan müvəqqəti narahatlığa görə Nəqliyyat Nazirliyi Azəryolservis ASC vətəndaşlardan üzr istəyir.