Dövlət Sosial Müdafiə Fondunun sədri Elman Mehdiyev Şirvan şəhərində qəbul keçirib.

Fonddan Axar.az-a verilən məlumata görə, "Açıq qapı" formatında təşkil olunan qəbulda müraciətlər dinlənilib.

Fond sədrinin qəbulunda iştirak edən Şirvan, Hacıqabul, Salyan, Neftçala, Biləsuvar, Cəlilabad rayonlarının sakinləri pensiya təyinatı, əmək pensiyası növünün dəyişdirilməsi, pensiyaların yenidən hesablanması və s. məsələlərlə bağlı müraciətlər edib.

Görüşdə əmək pensiyasının üzərinə qulluq stajına görə əlavənin hesablanması, əyani təhsil müddətinin sosial sığorta stajına daxil edilməsi ilə bağlı çoxsaylı təklif və şikayətlər dinlənilib.

Vətəndaşların rahatlığının təmin olunması məqsədilə qəbulda iştirak edənlər xüsusi ayrılmış nəqliyyatla qəbulun keçirildiyi ünvana aparılıb- gətirilib.

Qəbulda ümumilikdə 30-dan çox vətəndaşın müraciətinə baxılıb.