Maliyyə naziri Samir Şərifov 36 saylı Xətai Seçki Dairəsinin 6 saylı məntəqədə səs verdikdən sonra ATV-yə açıqlamasında ipoteka ilə bağlı yeniliklərdən danışıb.

Nazir bildirib ki, bu il ipotekanın genişləndirilməsi üçün əlavə vəsait ayrılması nəzərdə tutulub:

"Hesab edirəm ki, bu vəsaitlər ayrılmaqla həmin yeni yaradılmış səhmdar cəmiyyət vasitəsilə bunu əhaliyə çatdırmaq ətrafında işlər aparılacaq".

Nazir deyib ki, faizlərin əhalinin alıcılıq qabiliyyətinə cavab verməsinə çalışacaqlar:

"Digər tərəfdən, biz bazarda yaranan faiz dərəcəsini də nəzərə almalıyıq. Bunlar arasında müvafiq faiz dərəcəsi formalaşacaq. Məbləğin artırılması istiqamətində də çox güman ki, addımlar atılacaq".