"Azəriqaz"ın rayon idarələrinin ləğv edilməsi xeyli işçinin ixtisar edilməsi demək deyil.

Axar.az xəbər verir ki, bu barədə jurnalistlərə açıqlamasında Əmək və Əhalinin Sosial Müdafiəsi naziri Səlim Müslümovun müavini İdris İsayev deyib.

Azəriqaz İstehsalat Birliyində aparılan ixtisarlara və işçilərin ixtisar edilməsi ehtimalına münasibət bildirən nazir müavini məsələnin əvvəlcədən düzgün tənzimləndiyini bildirib:

"Orada 2 yeni departament yaradılıb. Həmin işçilərə bu departamentlərdə müəyyən işlər təklif olunacaq. Onların müvafiq sosial proqramı da mövcudur. Bu proqramlara da həmin şəxslər cəlb olunacaq. Düşünürəm ki, bu proses SOCAR tərəfindən düzgün tənzimlənəcək. Bizim də bu barədə SOCAR-a müraciətimiz olub".