Ədliyyə Nazirliyi uşaqlara qoyulan qeyri-adi adların siyahısını açıqlayıb.

Axar.az-ın "Xəzər-xəbər"ə istinadən məlumatına görə, bu il yeni doğulan 5 oğlan uşağına Siyasət, 6 nəfərə Artyom, Ənəs, 4 oğlana Meydan , Vətən, Şikar, 3 nəfərə Məharət, Nəzir adı qoyulub.

Bundan əlavə, yeni doğulan iki oğlan uşağına Namus, iki nəfərə Mərifət, 2 nəfərə Məmiş, 2 nəfərə İnşalla, 2 nəfərə Güvən, 2 nəfərə Ada, 2 nəfərə Abi, 2 nəfərə Ağaş, 2 nəfərə Baxşeyiş, 2 nəfərə Təbib, 2 nəfərə Taha, 2 nəfərə Təmkin, 2 nəfərə Səyahət, 2 nəfərə Rahat adı verilib.

Qız uşaqlarına da qeyri-adi adların verilməsi halı aşkar olunub. Belə ki, bu il 6 qıza Ömrə, 6 nəfərə Asena, 7 nəfərə Havin, 7 nəfərə Arza, 4 nəfərə Ölü, 4 nəfərə Qəribə, 4 nəfərə Mesed, 4 nəfərə Mərifət, 4 nəfərə Tacirə, 4 nəfərə Mariami, 3 nəfərə Esnad, 3 nəfərə Saimat, 3 nəfərə Həkiməxanım, 3 nəfərə Leysan, 3 nəfərə Manya, 3 nəfərə Maidə, 3 nəfərə Kimyə, 3 nəfərə Biçə adı qoyulub.

2015-ci ildə yeni doğulmuş qıza Cəlalət, Afərim, Alimə, Alfiya, Ani, Ana, Arəstə, Anora, Lumuxanım, Hüma, Həla, Həlilə, Gilas, Evelina, Faya, Sauda, Sinay, Şüşəxanım, Səlbi, Sevim, Serenay, Səudə, Mülayim, Mixək, Mötəbər, Narxanım, Mərməz, Nobat, Qayd, Özcan, Olivia, Xurma adı qoyulub.

Həmçinin, Axar.az Lumuxanım Atamoğlanova, Anara Şirinzadə Məməkişi qızı, Pətiş Məmmədov Potuş oğlu adlarının olduğunu təsdiqləyən şəxsiyyət vəsiqələrinin fotolarını təqdim edir: