Ana səhifə Toplum |
Sumqayıtda fəaliyyət göstərən regional informasiya portalı "Xeberle.com" bağlanmaq təhlükəsi ilə üz-üzə qalıb.
Axar.az xəbər verir ki, bununla bağlı sayt təsisçiləri açıqlama yayıb.
Açıqlamada yaxın vaxtlarda media orqanının fəaliyyətini dayandıra biləcəyi qeyd olunub:
"Artıq 4 ildir ki, "Xeberle.com" Sumqayıt şəhərinin ictimai-sosial, siyasi, mədəni həyatında baş verən hadisələri dolğun və operativ şəkildə oxucularına çatdırır. Portalın təsisçiləri tərəfindən ötən ilin aprel ayında Sumqayıt TV (www.sumqayit.tv) adlı onlayn televiziya da yaradılıb. 6 ay fəaliyyət göstərən Sumqayıtın ilk internet televiziyası müvəqqəti olaraq fəaliyyətini dayandırıb. Ölkədə və regionda son bir ildə baş verən iqtisadi proseslər reklam bazarına, eləcə də gəlirlərə mənfi təsir göstərib. Hər gün minlərlə oxucusunun informasiya təminatçısı olan portal hazırda ciddi maliyyə böhranı keçirir. Bu da fəaliyyətimizə, birbaşa işimizin keyfiyyətinə mənfi təsir göstərməkdə davam edir. Artıq saytın fəaliyyətini əvvəlki kimi davam etdirmək gücündə deyilik. Saytda çalışan işçilər ixtisar edilib. Bütün bunlar bir daha onu göstərir ki, sayt ciddi maliyyə sıxıntıları keçirir və belə davam edərsə yaxın zamanlarda fəaliyyətini tamamilə dayandıra bilər".
Sumqayıtlılara və oxuculara təşəkkür edən sayt rəhbərliyi imkanlı oxucularından dəstək istəyib:
"Hazırda düşdüyümüz çətin vəziyyətdən çıxış yolunu yalnız sadiq, imkanlı oxucularımızın bizə yardım etməsində görürük".
Tarix
2016.03.07 / 14:00
|
Müəllif
Axar.az
|