Yuxarı

Pakistanın ölkəmizdəki səfiri ADU-nun qonağı oldu

Ana səhifə Toplum
12 Punto 14 Punto 16 Punto 18 Punto

Mayın 27-də Azərbaycanda diplomatik fəaliyyətini başa vuran Pakistanın ölkəmizdəki səfiri Bilal Hayen ADU-nun qonağı olub.

Axar.az xəbər verir ki, ADU-nun rektoru, akademik Kamal Abdulla səfiri salamlayıb, diplomat Bilal Hayenin Azərbaycanda səmərəli fəaliyyəti haqqında danışıb.

Qeyd olunub ki, dost və qardaş Pakistan xalqının dəstəyini Azərbaycan xalqı hər zaman hiss edib və bu dəstəkdən məmnun olub:

“Mən sizə öz adımdan, həmkarlarımın adından gələcək fəaliyyətinizdə uğurlar arzu edirəm. İnanıram ki, Azərbaycana olan sevginiz, məhəbbətiniz sonrakı fəaliyyətinizdə də davam edəcək. Biz sizinlə çox gözəl ideyaları gerçəkləşdirdik, həm ADU-da, həm də Pakistanda qarşılıqlı elmi, mədəni əlaqələrimizin qurulması baxımından son dərəcə mühüm layihələrə imza atdıq. Əlbəttə, bütün bunlar olduqca vacib tarixi hadisələr idi.

Ümid edirəm ki, bu işlər davam edəcək və universitetlər arasında elmi, mədəni əlaqələr daha da inkişaf edəcək. Bir daha sizə işinizdə uğurlar arzu edirəm”.

Qonaqpərvərliyə və xoş sözlərə görə təşəkkürünü bildirən səfir ADU-da keçirilən beynəlxalq tədbirlərin əhəmiyyətindən, tələbələrin bilik və bacarıqlarından danışıb.

Qeyd olunub ki, ADU son illər beynəlxalq əlaqələrin qurulması, inkişaf etdirilməsi baxımından bir sıra uğurlara imza atıb.

Görüş gələcək elmi əməkdaşlığın yeni istiqamətləri ətrafında müzakirələrlə davam edib.

Tarix
2024.05.28 / 00:33
Müəllif
Axar.az
Şərhlər
Digər xəbərlər

Fransada Le Pen, ABŞ-da Tramp gələrsə…

Ermənistanın verdiyi xəritələr effektiv deyil - Hacıyev

Bu, Ermənistandakı revanşistləri həvəsləndirir - Hacıyev

“Sezar” gəlir: İrəvan savaşda buna görə uduzmuşdu

COP29-la bağlı toplantı: Prezident müraciət ünvanladı

Qafqazda yeni savaş riski: İrəvan hücuma hazırlaşır

“Sezar”lar erməni ordusuna nə vaxt veriləcək?

Ermənistan bu silahlara güvənib, sülhü pozarsa...

Ərdoğan Paşinyanla danışdı

Ermənistana çağırış: Fransanın təxribatlarına uyma!

KULT
<>
Xəbər xətti
Axar.az'da reklam Bağla
Reklam
Bize yazin Bağla