Yuxarı

Hərbi xidmətə çağırışda yeniliklərlə bağlı rəsmi açıqlama

Ana səhifə Toplum
12 Punto 14 Punto 16 Punto 18 Punto

Nazirlər Kabinetinin 2008-ci il 29 fevral tarixli 59 nömrəli Qərarı ilə təsdiq edilmiş "Hərbi-həkim ekspertizası haqqında Əsasnamə"də dəyişiklik edilib.

2024-cü il iyul ayının 1-dən qüvvəyə minəcək yeni dəyişikliyə görə, hərbi xidmətə çağırış zamanı tibbi şəhadətləndirməyə həm də Əmək və Əhalinin Sosial Müdafiəsi Nazirliyi (ƏƏSMN) nəzarət edəcək.

Yeni dəyişikliyin mahiyyəti nədən ibarətdir və ƏƏSMN nəzarəti hansı qaydada həyata keçirəcək?

Axar.az xəbər verir ki, Səfərbərlik və Hərbi Xidmətə Çağırış üzrə Dövlət Xidmətinin İctimaiyyətlə iş və beynəlxalq əlaqələr şöbəsinin rəisi Pərviz Sədrəddinov Oxu.az-a açıqlamasında yeni prosedur qaydasını izah edib:

"Yeni prosedur qaydasına əsasən, çağırışçıların Səfərbərlik və Hərbi Xidmətə Çağırış üzrə Dövlət Xidmətinə həkim komissiyası zamanı, həmçinin əvvəllər yararsız olan, təkrar müayinəyə gələnlərdə yararsızlıqla bağlı hər hansı şübhələr, hər hansı xəstəliklər büruzə verdiyi halda Əmək və Əhalinin Sosial Müdafiə Nazirliyinin tərkibində olan reabilitasiya mərkəzinə göndəriş veriləcək. Orada müayinə olunduqdan sonra həmin çağırışçının aktı bizə təqdim olunacaq və o akta əsasən Səfərbərlik və Hərbi Xidmətə Çağırış üzrə Dövlət Xidməti tərəfindən yekun qərar veriləcək".

Əmək və Əhalinin Sosial Müdafiəsi Nazirliyinin (ƏƏSMN) Mətbuat Xidmətindən isə məsələyə geniş şərh verilib:

"Prezident İlham Əliyevin "Müddətli həqiqi hərbi xidmətə çağırılan vətəndaşların tibbi şəhadətləndirilməsi sahəsində fəaliyyətin təkmilləşdirilməsi ilə bağlı bəzi tədbirlər haqqında" Fərmanına əsasən, 2024-cü il iyulun 1-dən rayon, şəhər, şəhərdə rayon çağırış komissiyaları tərəfindən müddətli həqiqi hərbi xidmətə çağırılan vətəndaşların tibbi şəhadətləndirilməsi zamanı aşağıdakı qərarlardan birinin qəbul edilməsi üçün həmin vətəndaşların yekun tibbi müayinəsi Əmək və Əhalinin Sosial Müdafiəsi Nazirliyi tərəfindən həyata keçiriləcək:

- sıradankənar həqiqi hərbi xidmətə yararlılıq haqqında;

- sağlamlıq vəziyyətinə görə həqiqi hərbi xidmətə müvəqqəti yararsız hesab edilməklə çağırışa möhlət verilməsi haqqında;

- dinc dövrdə həqiqi hərbi xidmətə yararsızlıq, müharibə dövründə məhdud yararlılıq haqqında;

- həm dinc dövrdə, həm də müharibə dövründə hərbi xidmətə yararsızlıq haqqında.

Beləliklə, "Hərbi xidmətə yararlıdır" kateqoriyası istisna olmaqla, digər rəy verilmiş müddətli həqiqi hərbi xidmətə çağırılan vətəndaşların yekun tibbi müayinəsi Nazirliyin tabeliyindəki Dövlət Tibbi-Sosial Ekspertiza və Reabilitasiya Agentliyi (DTSERA) tərəfindən aparılacaq.

Həmin yekun tibbi müayinənin aparılması məqsədilə aidiyyəti dövlət orqanlarının (qurumlarının) informasiya ehtiyatları və sistemləri Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminə inteqrasiya edilir.

DTSERA çağırışçının yekun tibbi müayinəsini Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən ötürülmüş tibbi müayinə nəticələri və çağırışçıların əyani tibbi müayinəsi əsasında həyata keçirəcək. Çağırışçının yekun tibbi müayinəsi Agentliyin tibbi qiymətləndirmə komissiyaları tərəfindən həyata keçiriləcək və nəticələri barədə məlumatlar altsistemə daxil ediləcək.

Qəbul edilən müvafiq qərar rayon, şəhər, şəhərdə rayon çağırış komissiyaları tərəfindən çağırışçının şəhadətləndirilməsi üzrə qərarın qəbul edilməsi üçün altsistemə daxil ediləcək. Qəbul edilən müvafiq qərar barədə çağırışçının da onun elektron kabineti vasitəsilə məlumatlandırılması təmin olunacaq".

Qeyd edək ki, əvvəl bu proses bir qədər fərqli idi. Belə ki, Xidmətə dəvət olunan çağırışçının səhhəti ilə bağlı xidmətə yararsızlığı müşahidə olunurdusa, o zaman ona müayinədən keçmək üçün müxtəlif klinikalara müvafiq göndəriş verilirdi.

Tarix
2024.06.13 / 15:45
Müəllif
Axar.az
Şərhlər
Digər xəbərlər

General Volkov Araikə niyə təriflər yağdırıb?

Klaarı Qrono əvəzlədi: Bakıya gəlişi nəticəsiz olacaq

Mirmahmud Mirəlioğlu elə bir YAP-çı ilə üz-üzə gəldi ki…

Bakı və Buxarest arasında məsləhətləşmələr keçirildi

44 günlük müharibə zamanı İran… - Ağacanyandan etiraf

Qazaxıstanda hərbçilərin “Noldu, Paşinyan?” rəqsi - Video

YAP-ın Vasif Talıbovun dairəsindən namizədi bəlli oldu

YAP-ın siyahısındakı sürpriz adlar...

Paşinyan arvadı ilə Londona getdi - Əliyevlə görüşəcək?

ABŞ-ın “çətin kompromis” mesajı: Bakıdan 3 güzəşt istənilir

KULT
<>
Xəbər xətti
  
  
  
  
  
  
  
  
  
Axar.az'da reklam Bağla
Reklam
Bize yazin Bağla