Ana səhifə Toplum |
Gələn ildən minimum əmək haqqı və minimum pensiya yenə də artırılacaq.
Axar.az Trend-ə istinadən xəbər verir ki, bu barədə Milli Məclisin deputatı Vüqar Bayramov deyib.
O qeyd edib ki, artıq bu istiqamətdə hökumətdə müzakirələr gedir.
"Gözlənilir ki, noyabr ayının 1-dək Əmək və Əhalinin Sosial Müdafisəi Nazirliyi tərəfindən minimum maaş və eləcə də, minimum pensiyanın artırılması ilə bağlı təkliflər təqdim olunacaq.
Büdcə paketi çərçivəsində həmin təkliflərin müzakirə olunması və növbəti ildən etibarən minimum əmək haqqı və minimum pensiyanın artırılacağı gözlənir. Biz bu istiqamətləri təkliflərdə təqdim etmişik, minimum pensiya, minimum əmək haqqı sonucu dəfə 2023-cü ilin yanvar ayında artırılıb.
Ona görə biz təklif edirik ki, keçən iki il ərzində həm ölkə üzrə nominal orta aylıq əmək haqqı, eləcə də inflyasiya səviyyəsi - hər iki indikator nəzərə alınmaqla minimum əmək haqqı və minimum pensiyada artım həyata keçirilsin. Biz minimum əmək haqqı və minimum pensiyada ikirəqəmli artımın olmasını təklif edirik. Təbii ki, müzakirələrin əsasında konkret rəqəm bəlli olacaq.
İlkin gözlənti ondan ibarətdir ki, artımlara növbəti ildən etibarən start veriləcək və bu, əmək pensiyası alan və minimum əmək haqqı alan bütün vətəndaşlarımızı əhatə edəcək", - deyə o bildirib.
Tarix
2024.09.23 / 20:26
|
Müəllif
Axar.az
|