2024.09.23 20:02

Sentyabrın 23-də İranın Simnan əyalətinin Gərmsar şəhərinin Fəcr sənaye şəhərciyində 3 güclü partlayış və yanğın olub.

Axar.az xəbər verir ki, bu barədə İran mətbuatı məlumat yayıb.

Bildirilib ki, üstündən bir gün keçməsinə baxmayaraq, yanğının tam söndürülməsi mümkün olmayıb.

İran Qızıl Aypara Cəmiyyətinin verdiyi məlumata görə, 30 işçi müxtəlif dərəcəli bədən xəsarətləri ilə xəstəxanalara yerləşdirilib.

Partlayışlar nəticəsində bir neçə nəfərin həlak olduğu bildirilsə də, bu, rəsmi şəkildə təsdiq olunmayıb.

Qeyd edək ki, İRNA agentliyi partlayışların paytaxt Tehrandan 100 km aralıda yerləşən Kosmik Tədqiqatlar Mərkəzində baş verdiyini yazmışdı.