Üçüncü ölkədə də görüşmək mümkündür, yalnız o halda ki, sülh müqaviləsi üzrə yekun razılaşmalar əldə olunsun.

Axar.az xəbər verir ki, bunu Rusiya Prezidenti Vladimir Putin ukraynalı həmkarı Vladimir Zelenski ilə mümkün görüş barədə danışarkən mətbuat konfransında deyib.

Putin vurğulayıb ki, Zelenski ilə təkcə Moskvada deyil, üçüncü ölkədə də görüşə bilər:

“Bu müqavilə uzunmüddətli tarixi perspektivə hesablanmalıdır ki, ya bu tədbirdə iştirak etmək, ya da nəsə imzalamaq mümkün olsun”.

Qeyd edək ki, daha öncə Rusiya Prezidentinin köməkçisi Yuri Uşakov Putinin Zelenski ilə Moskvada görüşməyə hazır olduğunu bildirmişdi.