2026.05.09 - 21:55

İsrail Hərbi Hava Qüvvələrinə məxsus təyyarələr Livanın cənubunda yerləşən Səidə şəhərinə hücum edib.

Axar.az xəbər verir ki, bu barədə Livanın Səhiyyə Nazirliyi məlumat yayıb.

Qurumdan bildirilib ki, hücum nəticəsində 9 nəfər həlak olub, 15 nəfər yaralanıb.

Məlumata görə, dağıntılar altında qalan şəxslər olduğu üçün ölən və yaralananların sayı arta bilər. Hazırda xilasedicilər axtarış-xilasetmə işlərini davam etdirir.

Qeyd edək ki, daha öncə İsrail hücum barədə xəbərdarlıq etmişdi.

***

İsrailin ötən gün Livana endirdiyi zərbələr nəticəsində azı 19 nəfər həlak olub.

Bu barədə “Əl-Cəzirə” telekanalı məlumat yayıb.