14:58

Bakı Metropoliteninin “Memar Əcəmi” stansiyasında qatar 14 dəqiqə intervalla gəlib.

Axar.az xəbər verir ki, gecikmə "Dərnəgül" stansiyasına gedən qatarın hərəkəti zamanı qeydə alınıb.

Stansiyada əks istiqamətdə - "Həzi Aslanov"a hərəkət edən qatarların hərəkətində isə heç bir problem olmayıb.

Bakı Metropoliteni QSC-nin mətbuat xidmətinin rəhbəri Bəxtiyar Məmmədov saytımıza açıqlamasında "28 May" stansiyasında qatarın vaqonlarından birinin qapısının açılıb-bağlanması zamanı müdaxilə olduğu üçün maşinistin qapıya baxış keçirdiyini bildirib:

"Hər hansı problem olmadığı üçün qatar yoluna davam edib. Bənzər hal daha sonra "Nizami" stansiyasında da baş verdiyindən, problem olmamasına rəğmən, qatarın sərnişinsiz yoluna davam etməsi və qatara əlavə baxış keçirilməsi qərarı verilib. Belə hallarda xəttə dərhal ehtiyat qatar buraxılır. Yalnız iki qatar arasında olmaqla "Nizami-Dərnəgül" sahəsində intervaldan əlavə 4 dəqiqə yubanma qeydə alınıb".