Bakıda Heydər məscidində tanınmış iş adamı, “Azərsun Holdinq”in prezidenti, “Qarabağ” futbol klubunun fəxri prezidenti Abdolbari Gözəlin yas mərasimi keçirilir.

Axar.az Teleqraf.com-a istinadla xəbər verir ki, mərasimdə "Qarabağ" futbol klubunun prezidenti Tahir Gözəl, baş məşqçi Qurban Qurbanov, klubun rəhbər heyəti, "Zirə"nin baş məşqçisi Rəşad Sadıqov, “Azərsun Holdinq”in işçiləri, iş adamları, ictimai-siyasi xadimlər və mərhumun yaxınları iştirak edirlər.

Qeyd edək ki, Abdolbari Gözəl 23 avqust 1949-cu ildə İranda anadan olub. Milliyyətcə kürd olan Abdolbari Gözəl 1992-ci ildən etibarən Azərbaycan və Gürcüstanda fəaliyyətə başlayıb. 1997-ci ildə "Azərsun Holdinq"i yaradıb və onun Müşahidə Şurasının sədri olub.

Azərbaycanla yanaşı, İsveçrə və Dubayda neft və neft məhsullarının ticarəti ilə məşğul olan şirkətlər qurub.

İş adamı Azərbaycan Prezidenti tərəfindən "Şöhrət" ordeni və "Tərəqqi" medalı ilə təltif olunub. O, yanvarın 18-də Dubayda vəfat edib və orada dəfn olunub.