Azərbaycanda baş vermiş partlayışları terror hesab edən oxucularımızın sayı 49%-dir.

Bu nəticə "Axar.az" saytının keçirdiyi sorğulardan sonra bəlli olub.

Sorğuda 917 oxucu iştirak edib. İştirakçılar "Azərbaycanda bir gündə baş verən 4 partlayışı terror hesab edirsinizmi?" sualı cavablandırılıb.

Oxucularımızın 49%-i bu partlayışları terror kimi qiymətləndirib. 36% şəxs isə ümumiyyətlə bunlara terror kimi qiymət verilməsi ilə razılaşmayıb. Sorğuda iştirak edənlərin 15%-i isə baş vermiş hadisələrə qiymət verməkdə çətinlik çəkiblər.

Qeyd edək ki, fevralın 13-də Azərbaycanın müxtəlif yerlərində partlayışlar baş vermişdi. Partlayışlar nəticəsində isə 4 nəfər həlak olmuş, 6 nəfər isə yaralanmışdı.

Xatırladaq ki, bir müddət öncə "Meşə qardaşları" və "Ceyşullah" terror təşkilatları Azərbaycanda müxtəlif partlayışlar edəcəkləri ilə bağlı bəyanat yaymışdılar. Dövlət rəsmiləri isə baş verən partlayışların terrorla heç bir əlaqəsinin olmadığını vurğulamışdı.