Bakıda arvadından polisə şikayət edən şəxs özü həbs edilib.

Axar.az Qaynarinfo.az-a istinadla xəbər verir ki, 1973-cü il təvəllüdlü O.P. evində həyat yoldaşı ilə mübahisə edib.

Mübahisədən sonra O.P. içkili halda həyat yoldaşından polis bölməsinə şikayət verib. Həmin şəxs çox içkili olduğu üçün ondan ərizə üçün ayıq başla yaxınlaşması xahiş edilib.

Bundan narazı olan O.P. mobil telefonu ilə şöbəni çəkib və nalayiq ifadələr işlətməyə başlayıb. O, nizam-intizama dəvət edilsə də, eyni əməllərini davam etdirib.

Təqsirləndirilən şəxs saxlanılaraq barəsində İnzibati Xətalar Məcəlləsinin 510 və 535.1-ci maddəsi ilə cinayət işi açılıb, iş məhkəməyə göndərilib. O.P. müvəqqəti saxlama yerində olarkən da radiatorun qoruyucu taxtasını sındırıb.

Məhkəmənin qərarı ilə təqsirləndirilən şəxs 5 günlük həbs olunub.