28 may Respublika günü şənbəyə təsadüf etdiyindən iş və istirahət günlərinin yerləri dəyişdirilərək, 30 may qeyri-iş günü hesab olunub. Bununla da beşgünlük qrafiklə çalışanlar üç – şənbə, bazar və bazar ertəsi günü, altı gün işləyənlər isə 29-30 may tarixlərində istirahət edəcəklər.

Axar.az xəbər verir ki, bayram günlərində istər ölkə vətəndaşları, istərsə də ölkəmizə gələn turistlər əllərindəki xarici valyutanı dəyişməkdə çətinlik çəkirlər. Məhz bunu nəzərə alıb istirahət günlərində işləyən bankları araşdırdıq.

Azərbaycan Sənaye Bankının "Park Bulvar" filialı istirahət günlərində saat 10:00-21:30 arası fəaliyyət göstərəcək.

Bank Respublikanın isə "Azneft" filialı 24 saat işləyəcək.

Həmçinin "Bank Silk Way", 1 saylı şöbəsində (H.Əliyev adına Beynəlxalq Hava Limanı) valyutanızı dəyişə bilərsiz.

Bunlardan əlavə, Kapital və Paşa Bankın valyuta dəyişən bankomatları da fəaliyyət göstərəcək.

Kapital Bankın Nərimanov filialında, Paşa Bankın isə başda 28 Mall Ticarət Mərkəzi olmaqla digər şöbələrindəki bankomatlarda valyutadəyişmə xidmətindən yararlana bilərsiniz.