Bakının Xətai rayonunda 6 avtomobilin iştirakı ilə zəncirvari qəza baş verib.

Report-un xəbərinə görə, hadisə rayonun Mehdi Mehdiyev küçəsi ilə Fəzail Bayramlı küçələrinin kəsişməsində qeydə alınıb.

Belə ki, F.Bayramlı küçəsi ilə hərəkət edən "Audi" markalı 10 LV 879 dövlət nömrə nişanlı avtomobil M.Mehdiyev küçəsi ilə hərəkət edən "Daevoo Neksia" avtomoblinin yoluna çıxaraq qəza törədib. "Daevoo Neksia" avtomobil yolun kənarında olan "Mazda"ya, "Mazda" iki "Mersedes" avtomobilnə çırpılıb. Qəzaya uğrayan avtomobillər daha bir "Daevoo Neksia" markalı avtomobilə də çırpılıb.

Hadisə nəticəsində "Audi" və "Daevoo Neksia" avtomobillərinin sürücüləri xəsarət alıb, onlar xəstəxanaya yerləşdirilib. Avtomobillərə ciddi ziyan dəyib.

Faktla bağlı Xətai Rayon Polis İdarəsinin əməkdaşları araşdırma aparırlar.