Yuxarı

Dələduz bankirin atası şikayətini niyə geri götürdü?

Ana səhifə Toplum
12 Punto 14 Punto 16 Punto 18 Punto

Bu gün Ali Məhkəmədə "Texnikabank"ın Bakı filialının sabiq rəhbəri Zal Yusifovun 81 nəfərin milyonlarla pulunu mənimsəməsi ilə bağlı növbəti məhkəmə prosesi keçirilib.

Teleqraf.com xəbər verir ki, Zal Yusifov 2008-ci ildə həbs olunsa da, zərərçəkmişlərin əmanətləri hələ də qaytarılmayıb. Buna səbəb dələduz bankirin atası Zakir Yusifovun absurd yalanlarıdır.

Qeyd edək ki, Ağır Cinayətlər Məhkəməsinin hökmü ilə Zal Yusifov əmlakı müsadirə olunmaqla 15 il müddətinə azadlıqdan məhrum edilib. Cinayət işi üzrə təqsirləndirilən 14 nəfər müxtəlif müddətlərə cəzalandırılıb. Hökmdən narazı şəxslər apelyasiya şikayəti verib. Bakı Apelyasiya Məhkəməsinin hakimi Mirpaşa Hüseynov şikayəti təmin etməyib.

Bundan sonra Zal Yusifovun atası Zakir Yusifov Ali Məhkəmənin sədri Ramiz Rzayevə müraciət edib və əmlaklarının geri qaytarılmasını istəyib. Ali Məhkəmənin sədri Bakı Ağır Cinayətlər Məhkəməsinin hökmünün əmlaklarla bağlı hissəsinə yenidən baxılması barədə təqdimat verib.

Həmin təqdimata Bakı Apelyasiya Məhkəməsinin hakimi Rizvan Səfərovun sədrlik etdiyi kollegiyada baxılıb və təqdimatla bağlı şikayət təmin edilməyib. Ali Məhkəməyə müraciət olunsa da, həmin məhkəmədə işə baxan hakimlər şikayətin baxılmamış saxlanması barədə qərar qəbul ediblər. Bundan sonra iş yenidən baxılması üçün apelyasiya instansiyasına qaytarılıb.

2014-cü ildə Bakı Apelyasiya Məhkəməsində hakim Sahibxan Mirzəyevin sədrliyi ilə keçirilən prosesdə də Zakir Yusifovun iddiası əsassız olduğu üçün təmin edilməyib.

Zakir Yusifov yenə də Ali Məhkəməyə kasasiya şikayəti verərək işin yenidən apelyasiya instansiyasında araşdırılması üçün qərar qəbul etməyə nail olub. Bu dəfə apelyasiya instansiyasında işə hakim Vüqar Məmmədovun sədrlik etdiyi kollegiyada baxılıb və Zakir Yusifovun iddiası rədd edilib. Dələduz bankirin atası iddia edir ki, guya mülklər ona məxsusdur və məhkəmələr Əmlak Komitəsinə müraciət etməyib. Ali Məhkəmənin hakimləri də həmin komitəyə sorğu göndəriblər.

Sorğuya cavab olaraq bildirilib ki, müsadirə olunması üçün nəzərdə tutulan mülklər Zal Yusifova məxsusdur. Beləliklə, Zal Yusifovun atasının daha bir yalanı məhkəmədə ifşa edilib.

Yalanlarının ifşa edilməsinə baxmayaraq Zakir Yusifov yenə də şikayətçidir. O, Bakı Apelyasiya Məhkəməsinin 12 fevral 2016-cı il tarixli qərarından kasasiya şikayəti verib.

Zakir Yusifov şikayətində göstərib ki, guya məhkəmə proseslərindən iştirak etməyib. Zakir Yusifov indi də məhkəmə proseslərində iştirak etmədiyi bəhanəsi ilə Ali Məhkəmədə qərarı dəyişdirmək məqsədi güdür.

Belə hərəkətləri ilə Zakir Yusifovun bir məqsədi var - məhkəmənin yekun qərarını uzatmaq... Yalanlarının ifşa edilməsinə baxmayaraq Zakir Yusifov istəyindən əl çəkmir. O bu dəfə daha bir ağ yalanla iddia edir ki, guya Bakı Apelyasiya Məhkəməsində keçirilən proseslərə qatılmayıb, məhkəmə onun iştirakı olmadan qərar qəbul edib.

Hər yerdən əli üzülən Zakir Yusifov indi də məhkəmədə iştirak etmədiyini bəhanə gətirir. Bu iddia ilə zərərçəkmişlərə dəymiş ziyanını ödənilməsi üçün mülklərin hərraca çıxarmasına mane olmağa çalışır.

Amma hər kəsə məlumdur ki, Zakir Yusifov və onun hüquqi nümayəndəsi bütün məhkəmə proseslərinə qatılıblar. Onun və nümayəndəsinin iştirakı olmadan bir dəfə də proses keçirilməyib.

Hələ 2014-cü ildə Bakı Apelyasiya Məhkəməsində keçirilən proseslərdən birinə Zakir Yusifov və onun nümayəndəsi gəlməmişdi. Həmin vaxt prosesə sədrlik edən hakim Sahibxan Mirzəyev iclası keçirməmiş və şikayətçi iştirak etmədiyi üçün məhkəmə prosesini təxirə salmışdı.

Hakim İlqar Hüseynovun sədrliyi ilə bu gün iyunun 8-də keçirilən prosesdə Zakir Yusifov kasasiya şikayətini geri götürdüyünü açıqlayıb. O, bildirib ki, kasasiya şikayətinə bəzi əlavələr edəcək və bundan sonra yenidən kasasiya şikayəti verəcək.

Zakir Yusifov 2015-ci ildə oynadığı oyunu yenidən Ali Məhkəmədə oynayır. O, 2015-ci ilin yay aylarında kasasiya şikayəti vermişdi. Həmin vaxt şikayət hakim Fərhad Kərimovun icraatına təqdim olunmuşdu. Naməlum səbəblərdən Zakir Yusifov şikayətini geri götürmüş, sonradan, noyabr ayında tələsik şikayət vermişdi.

Həmin şikayətə hakim Rasim İsgəndərovun icraatında baxılmışdı. Zakir Yusifov həmin vaxt Bakı Apelyasiya Məhkəməsinin qərarını ləğv etdirməyə nail olmuşdu.

Zakir Yusifov yenidən kasasiya şikayətini geri götürməklə növbəti saxtakarlığa hazırlıq görür.

Görünür, yenə köhnə üsuldan yararlanmaq fikrinə düşüb. O, kasasiya şikayətinə bəzi əlavələr edəcəyini qeyd eləsə də, həmin bəzi səbəbləri məhkəmə iclasında açıqlamayıb.

Zakir Yusifovun kasasiya şikayətini geri götürməsinə iş üzrə tanınmış zərərçəkmişlər etiraz ediblər. Onlar bildiriblər ki, Zakir Yusifovun hərəkətləri hüquqlarının pozulmasına səbəb olub.

Zərərçəkmişlər qeyd ediblər ki, Bakı Ağır Cinayətlər Məhkəməsinin hökmünü Binəqədi rayon məhkəmə nəzarətçiləri və məhkəmə icraçıları şöbəsi dərhal icra etməlidirlər: "Amma məlum olmayan səbəblərdən həmin qərar icra olunmur. Qərarın icrasının dayandırılması üçün icra şöbəsinə heç kim müraciət etməyib. Bakı Apelyasiya Məhkəməsinin 12 fevral 2016-cı il tarixli qərarı ilə Zal Yusifovun işi üzrə hökm qanuni qüvvəsinə minib. Bu səbəbdən icra şöbəsi Ali Məhkəmənin yekun qərarını gözləməmildir və hökmü dərhal icraya yönəldilməlidir.

İcra şöbəsi Bakı Ağır Cinayətlər Məhkəməsinin hökmünü icra edir və həmin məhkəmə də mülklərin satılması ilə bağlı qərarın dayandırılması üçün icra şöbəsinə müraciət etməyib. Amma bizə məlum olmayan səbəblərdən icra şöbəsi qərarı icra etməkdən yayınır".

Zərərçəkmişlər həmçinin bildiriblər ki, iş üzrə yalnız Zal Yusifovun üç mülkü hərraca çıxarılır. Bunlardan biri "Humay" şadlıq sarayıdır, digərləri isə villa və qeyri-yaşayış sahəsidir. Məhkəmənin qərarı ilə "Humay" şadlıq sarayı 1 milyon 200 min, villa 850 min, qeyri-yaşayış sahəsi isə 240 min manat dəyərində qiymətləndirilib. Zərərçəkmişlər bildiriblər ki, məhkəmənin qərarı ilə müsadirə olunan mülklər Zal Yusifovun özünə məxsusdur və həmin mülklərin atasına heç bir adiyyəti yoxdur: "Axır-əvvəl bu məhkəmənin qərarı icra olunacaq və mülklərin satılması məsələsi həll ediləcək. Çünki burada xeyli zərərçəkmiş var. Biz zərərşəkmişlərə də Zal Yusifov tərəfindən külli miqdarda ziyan dəyib. Bu qərar icra şöbəsi tərəfindən dərhal icra olunmalıdır. Kimin kasasiya şikayəti verməsini gözləməməlidir. Tərəfin hər yerə şikayət etmək hüququ var, amma belə olan halda mülklərin satılması və zərərçəkmişlərə dəymiş ziyanını ödənilməsi üçün tədbirlər görürlməlidir".

Tarix
2016.06.08 / 13:23
Müəllif
Axar.az
Şərhlər
Digər xəbərlər

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla