Ölkdə üzrə ən yüksək orta aylıq nominal əmək haqqı mədənçıxarma sənayesindədir.

Dövlət Statistika Komitəsindən Axar.az-a verilən məlumata görə, bu sektorda orta aylıq nominal əmək haqqı 3 743 manat təşkil edir.

Orta aylıq nominal maaşın yüksək olduğu digər sahə maliyyə və sığorta sektorudur. Bu sahədə işləyənlərin orta aylıq nominal maaşı 3148 manat təşkil edir.

Ən aşağı orta aylıq nominal əmək haqqı kənd təsərrüfatı, meşə təsərrüfatı və balıqçılıq sahəsindədir. Bu sektroda fəaliyyət göstərənlər 681,7 manat maaş alırlar.

Ümumilikdə rabitə, peşə, elmi və texniki fəaliyyət, eləcə də nəqliyyat və anbar təsərrüfatı sahələrində orta aylıq nominal əmək haqqı ölkə üzrə orta göstəricidən yüksəkdir.

Qeyd edək ki, 2025-ci ilin yanvar-may aylarında ölkə iqtisadiyyatında muzdla çalışan işçilərin orta aylıq nominal maaşı 2024-cü ilin müvafiq dövrünə nisbətən 9,1 faiz artaraq 1095,0 manat təşkil edib.