Dördüncü nəsil Su-35S qırıcısı Rusiya Aerokosmik Qüvvələrinin ən yaxşı döyüş təyyarələrindən biri hesab olunur.

Axar.az xəbər verir ki, bu barədə Amerikanın “Nəşnl İnterest” nəşrinin köşə yazarı Brandon Vayxert məlumat verib.

Bildirilir ki, NATO-da “Flanker-E” kod adı ilə tanınan Su-35S Rusiyanın məşhur “Suxoy” konstruktor bürosu tərəfindən hazırlanıb və hazırda Rusiya Aerokosmik Qüvvələrində xidmətdə olan döyüş təyyarələri arasında lider mövqe tutur. Vayxert qeyd edib ki, beşinci nəsil Su-57 qırıcısı xüsusiyyətlərinə görə Su-35S-dən üstün olsa da, onun döyüş şəraitində istifadəsi daha az baş verir.