Ana səhifə Video |
Uzun müddətdir ki, "Paralel dünyalar" fərziyyəsi ilə bağlı araşdırmalar aparılır. Bir adamın anidən yox olması, başqa bir aləmə düşməsi və ya başqa bir aləmdən Yerə gəlməsinin səbəbi kimi paralel dünyaların mövcudluğu ehtimalı irəli sürülür. Bir çoxları bu fərziyyəni gülünc hesab etsə də, yaponlar bu məsələyə ciddi yanaşıblar.
Axar.az xəbər verir ki, maraqlı hadisələrdən biri 1954-cü ildə baş verib.
"Tokionun Haneda hava limanında həmişəki kimi, yüzlərlə insan var idi. Təxminən saat 11:00 radələri idi. Hava limanındakı məmurlar ölkəyə gələn insanların pasportlarına baxaraq onları möhürləyirdilər. Bəzən məmurlar onlara uzadılan pasportları cəmi bir neçə saniyə ərzində yoxlayırdı. Amma bir pasport məmuru dayanmağa vadar etdi...
İş adamına bənzəyən, orta yaşlı, saqqallı bir nəfər pasportunu məmura uzatdığı an məmur nəyinsə düz getmədiyini anlayır. Çünki o, ilk dəfə idi ki, belə vətəndaş pasportu görürdü. Qəribə pasportlu şəxs şübhə oyandırdığı üçün məmur əvvəlcə ona suallar verməyə başlayır. Orta yaşlı bu adamın ana dili fransızca olsa da, yaponcanı da çox yaxşı danışa bilir. Məmur pasportun hansı ölkəyə aid olduğunu soruşanda saqqallı adam heç düşünmədən və həyəcanlanmadan "Taured" adlı bir ölkənin vətəndaşı olduğunu və pasportun da həmin ölkəyə aid olduğunu deyir. Bu cavabdan sonra məmurun şübhələri daha da artır. Çünki o, ilk dəfə idi ki, belə ölkə adı eşidirdi".
Daha ətraflı videodan izləyə bilərsiniz:
Tarix
2016.08.01 / 08:45
|
Müəllif
Aytac Qədirova
|