Qəzaya uğrayan Rusiya Hava Qüvvələrinə məxsus Mi-28N tipli helikopterin yeni görüntüləri yayılıb.

Axar.az-ın məlumatına görə, helikopterin yardımçı pilotu faciəvi hadisədən sonra möcüzəvi şəkildə sağ qala bilib. Lakin əsas pilot hadisə nəticəsində həlak olub.

Xəbər verdiyimiz kimi, sözügedən qəza Rusiyanın Ryazan vilayətində baş verib.

Rusiya Müdafiə Nazirliyi açıqlamasında qeyd edib ki, "Dubroviçi" poliqonunda təlim zamanı pilotaj proqramını yerinə yetirərkən vertolyotlardan birinin quyruq hissəsində pər sıradan çıxıb və qəzaya uğrayıb. Qəza nəticəsində bir pilot həyatını itirib, digər pilotun vəziyyəti kafi hesab edilir.