Türkiyənin Giresun bölgəsində fit çalmaqla bir-birilərini başa düşən Kuşköy kəndinin sakinləri vacib elmi bir araşdırmaya ilham qaynağı olublar.

​

Kəndlilərin "quş dili"ndə danışarkən beyinlərinin hər iki tərəfindən (həm sağ, həm də sol) istifadə etdikləri məlum olub.

Alimlər istər yazılı, istərsə sözlü, istərsə də işarələrlə münasibət quranda sol beynin istifadə olunduğunu düşünürdülər. Sağ beyinin isə musiqini, incəsənəti başa düşmək üçün istifadə olunduğunu güman edirdilər.

Almaniyanın Ruhr Universitetində işləyən biopsixologiya professoru Onur Güntürkün Giresunun Kuşköy kəndində "quş dili"ni ən yaxşı bilən 31 nəfər insan üzərində testlər edib.

Testlərin keçirildiyi əsnada kəndlilərin sağ və sol qulaqlarına eyni vaxtda sözlər və fit səsləri verilib. Onların eşitdiklərini doğru anlayıb, anlamadıqları müqayisə olunub.

Sağ qulaqla eşidilən sözlər, sol beyində dəyərləndirildiyi üçün testin 75 faizi müsbət nəticələnib. Yəni kəndlilər sol beyinlərindən də istifadə edə biliblər.

Lakin fit səslərində isə kəndlilərin beyninin hər iki hissəsinin işlədiyi məlum olub.

Axar.az Musavat.com-a istinadən Giresunun Kuşköy kəndinin sakinləri ilə bağlı maraqlı videonu təqdim edir.