Mümkündür ki, yaxın gələcəkdə rəsmi Moskva müəyyən qədər Türkiyə-Suriya münasibətlərinin qaydaya salınmasında vasitəçi olsun.

Bu barədə Axar.az-a açıqlamasında analitik Vüqar Zifəroğlu deyib. Analitik bildirib ki, Rusiya Suriya ilə bağlı verdiyi son qərarlarla daha çox müxalifətlə Əsəd arasında vasitəçilik etməyə çalışır:

"İnanmıram ki, Rusiya Suriya siyasətində hər hansı prinsipial dəyişikliklərə getsin. Yaxın Şərqdəki geosiyasi vəziyyəti dəyərləndirsək, Rusiya Əsəd rejimini necə dəstəkləyibsə, bu proses bundan sonra da o cür davam edəcək. Hətta mümkündür ki, yaxın gələcəkdə rəsmi Moskva müəyyən qədər Türkiyə-Suriya münasibətlərinin qaydaya salınmasında vasitəçi olsun. Hər halda Rusiya və Türkiyə prezidentlərinin Sankt-Peterburq görüşündə Suriya məsələsinin müzakirəsi ön planda olacaq".