İngiltərənin Ankaradakı səfiri Riçard Mur hərbi çevrilişə cəhdin arxasında Fətullah Gülənin dayanmasına inandığını bildirib.

Axar.az xəbər verir ki, Riçard Mur türk xalqının, siyasətçilərinin demokratiya uğrunda hərbi çevrilişə qarşı bir cəbhədə dayanmasının təqdirəlayiq hal olduğunu qeyd edib:

"Türkiyə demokratiyası öz bütövlüyünü sübut etdi. Hökumətin hərbi çevriliş məsələsində Fətullah Güləni ittiham etməsi ağlabatan fikirdir. Bu, mənə də çox inandırıcı gəlir. Məncə, həmin gecənin, bu hadisənin qırılma anı Prezident Ərdoğanın Ayfonla "CNN Türk"ə canlı bağlanıb, xalq müraciət etməsi idi. Bu müraciət dönüş nöqtəsi oldu".