Yaşlandıqca dərinin qırışmağa və sallanmağa başlaması və ağ saçların görünməsi kimi dəyişiklikləri müşahidə edirik. Ancaq kollagen tərkibli qidalar bunların qarşısını ala, qırışların və incə xəttlərin yaranmasını xeyli gecikdirə bilər.

Axar.az Medicina.az-a istinadən xəbər verir ki, həkim Deyv Reilli kollagenlə zəngin qidaların dərinin güclü və möhkəm qalmasına kömək etdiyini bildirib.

Onun sözlərinə görə, kollagen liqamentlərin və birləşdirici toxumaların mühüm tərkib hissəsidir, yaraları sağaldan və dərini gücləndirən xüsusiyyətlərə malikdir. Buna görə də kollagen qırışların görünüşünü azalda, ümumi dəri toxumasını yaxşılaşdıra və əzələlərin bərpasına kömək edə bilər.

“Heç kimə sirr deyil ki, yediyimiz qidalar sağlamlığımıza birbaşa təsir göstərir. Balanslaşdırılmış pəhriz və yediyiniz qidaları şüurlu şəkildə seçmək sağlamlığınıza fayda gətirməklə yanaşı, daha gənc görünməyinizi də təmin edə bilər. Yaşlandıqca və kollagen istehsalınız azaldıqca, qida rasionunuza kollagen artıran qidaları daha çox daxil etməlisiniz”, - deyə doktor qeyd edib.

O, kollegenli qida çeşidinin təxmin ediləndən daha çox olduğunu vurğulayıb. Həkim ət suyu, toyuq əti, yumurta ağı kimi kollagen mənbələrindən bezənlər üçün bol miqdarda kollagen ehtiva etdiyi çox adam tərəfindən bilinməyən qidaların adlarını açıqlayıb.

Həmin qidaları təqdim edir:

- Giləmeyvələr

- Sarımsaq

- Paxlalılar.