Türkiyənin Şırnak vilayətinin Cizrə rayonunda terror aktı baş verib.

Axar.az xəbər verir ki, bomba yüklü avtomobil polis idarəsinin qarşısında partladılıb.

"Röyter"ə danışan təhlükəsizlik qüvvələri xeyli ölü və yaralı olduğunu deyib.

Partlayış nəticəsində polis idarəsinin binası tamamilə yararsız hala düşüb.

***

Cizrədə polis idarəsinin partladılması nəticəsində ölən və yaralananların sayı artıb. "Röyter"in məlumatına görə, 9 nəfər həlak olub, 64 nəfər yaralanıb.

***

Cizrədə baş verən terror aktı nəticəsində ölü və yaralıların sayı artıb. Son məlumata görə, 11 nəfər həlak olub, 78 nəfər yaralanıb. Yaralılar arasında 7 aylıq uşaq da var.