Rəsmi Dəməşq BMT-nin Baş katibi Pan Gi Mun və BMT Təhlükəsizlik Şurasına müraciət edib.

Axar.az xəbər verir ki, Türkiyənin Cerablusda başladığı hərbi əməliyyatların müharibə cinayəti olduğunu iddia edən Əsəd hakimiyyəti yüzlərlə mülki vətəndaşın türk ordusu tərəfindən "öldürüldüyünü" bildirib:

"Türkiyə rejiminə bağlı qüvvələrin Suriya torpaqlarında hazırladığı qətliam sözün əsl mənasında insanlığa qarşı cinayətdir".

Məktubda ABŞ, Fransa, İngiltərə, Səudiyyə Ərəbistanı və Qətərin Türkiyəyə dəstək verdiyi qeyd olunub.

Xatırladaq ki, dünən eyni mövzuda "İndependent" nəşrinin də Türkiyə ilə bağlı yaydığı məlumatların yalan olduğu üzə çıxmışdı.