Ancelina Colinin Bred Pitdən boşanmaq üçün məhkəməyə müraciət etməsindən sonra onların da mal-mülkü necə bölüşdürəcəyi maraq doğurub.

Axar.az xəbər verir ki, məşhurların mülki işlərinə baxan vəkil Donald Devid Coli və Pitin birlikdə olarkən qazandığı 525 milyon dollar sərvətin 300 milyon dollarının Pitə, 225 milyon dollarının isə Coliyə aid olduğunu hesab edib. Cütlüyün nikah zamanı "Evlilik razılaşması" imzalayıb-imzalamadığı məlum deyil.

Colinin boşanma işi üçün ABŞ-ın sayılan vəkillərindən biri - "Boşanmalar kraliçəsi" ləqəbi ilə məşhurlaşmış Laure Uessel ilə razılığa gəldiyi bildirilib.

Boşanma işində ən ciddi məqam 6 övladın himayəsi məsələsidir.

Qeyd edək ki, BMT-nin xoşməramlı səfiri olan Ancelina Colinin təşkilatdakı karyera hədəflərinin Pitin ruhdan düşməsinə səbəb olduğu iddia edilir. Pitin Colinin xoşməramlı səfir vəzifəsini dəstəklədiyi, lakin onun BMT naziri olmaq istəməsinin aktyorun əsəblərini tarıma çəkdiyi deyilir.