Ana səhifə Kult Ədəbiyyat |
Yunus Əmrə İnstitutu "Tanpınarı kəşf edirəm" adlı esse yarışması elan edib.
İnstitutdan Axar.az-a verilən məlumata görə, müsabiqə Türkiyənin məşhur yazıçısı Əhməd Hamdi Tanpınar yaradıcılığını Azərbaycan oxucusuna daha yaxından tanıtmaq məqsədi ilə həyata keçirilir.
Yarışmaya yalnız Tanpınarın yaradıcılığından bəhs edən mətnlər göndərilməlidir və esselərin həcmi minimum 7, maksimum isə 10 min işarə olmalıdır. Yarışmada iştirak etmək üçün yaş məhdudiyyəti yoxdur.
Mətnləri bu e-mail ünvanına göndərə bilərsiniz:
Müsabiqəyə esse göndərən müəlliflərdən tərcümeyi-hal, e-mail ünvanı, əlaqə nömrəsi tələb olunur. Esse qəbulu noyabrın 15-də başa çatacaq.
Müsabiqədə yarışan esselər Türkiyə və Azərbaycanın tanınmış
yazıçıları tərəfindən dəyərləndiriləcək. Yarışmanın nəticələri
2016-cı il dekabrın 15-də Bakı Dövlət Universitetində keçiriləcək
konfransda elan olunacaq. İnstitut esseləri qalib olan 5 müəllif
üçün mükafat olaraq Türkiyənin 5 şəhərinə 5 günlük səyahət paketi
təsis edib. Səyahət 2017-ci ilin may ayında baş tutacaq.
Ünvan: Rəşid Behbudov küçəsi 142
Tel. (+994 12) 440-31-05
Qeyd edək ki, "Qanun" nəşriyyatı tərəfindən yarışma müddətində Əhməd Hamdi Tanpınarın kitablarının satış qiymətinə endirim elan olunub. Kitabları Bakı, Az1102, Tiflis pros., 76 ünvanında 6 AZN-ə əldə edə bilərsiniz. Tel.: (+994 12) 431-16- 62; Mob.: (+994 55) 212-42-37
Tarix
2016.09.28 / 18:06
|
Müəllif
Aqşin Evrən
|