Hindistanın Patxankot şəhərində Baş nazir Narendra Modiyə Pakistandan məktub gətirən göyərçin tutulub.

Axar.az Tayms of İndiya-ya istinadən xəbər verir ki, məktub ölkə xaricindən Hindistana girən göyərçinin üzərində aşkar edilib.

Baş nazirə ötürülən mesaj urdu dilində qələmə alınıb.

"Modi Ci, elə bilmə ki, biz hələ də 1971-ci ildəki insanlarıq. İndi hər kəs, hər uşaq Hindistana qarşı vuruşmağa hazırdır" – deyə məktubda bildirilir.

Xatırladaq ki, iki Pakistan əsgərinin öldürülməsi iki ölkə arasında münasibətləri gərginləşdirib. Rəsmi Dehli həmçinin İslamabadı Kəşmirdə qeyri-stabillik yaratmaqda günahlandırıb. Pakistan isə müharibə başlayacağı təqdirdə Hindistanı nüvə silahı ilə məhv edəcəyini açıqlayıb.