15 iyuldan sonra bir sıra əfsanələr uyduruldu. Rusiyanın 14 iyulda hərbi çevriliş cəhdi ilə bağlı bizi öncədən xəbərdar etməsi də hər halda belələrindəndir.

Axar.az xəbər verir ki, bunu Türkiyə Baş nazirinin müavini Numan Qurtulmuş jurnalistlərə açıqlamasında deyib.

Qeyd edək ki, 15 iyulda baş verən hərbi çevriliş cəhdindən 1 gün əvvəl Rusiyanın Türkiyə hökumətini xəbərdar etməsi ilə bağlı mətbuatda informasiyalar yayılmışdı.

Həmin məlumatlarda 14 iyul günü Ankarada səfərdə olan Putinin xüsusi nümayəndəsi Aleksandr Duginin görüşdüyü bir çox türk rəsmilərinə "Ordunun daxilində hərəkətlilik" var deyə xəbərdarlıq etdiyi iddia edilmişdi.